काठमाडौँ । साताको कारोबारको अन्तिम दिन बिहीबार पनि नेपाल स्टक एक्सचेञ्ज (नेप्से) परिसूचक ५९.६८ अंकले बढेको छ । यससँगै २७ महिनापछि बिहीबार नेप्से २ हजार ४२४. ३२ को बिन्दुमा पुगेर बन्द भएको हो ।
यसअघि २०७८ सालको चैत महिनामा नेप्से परिसूचक २४ सयको बिन्दुमा थियो । यस दिन १५ अर्ब ५४ करोड रुपैयाँभन्दा बढीको ३ करोड ९९ लाख कित्ता सेयर किनबेच भएको छ ।
१५ अर्ब ५४ करोड ८८ लाख ७३८ रुपैयाँबराबरका तीन करोड ९९ लाख ३८ हजार २३७ कित्ता सेयर एक लाख ८४ हजार ७१२ पटकमा खरिद–बिक्री भयो । अघिल्लो कारोबारका दिन १२ अर्ब पाँच करोड रुपैयाँबराबरको सेयर खरिद–बिक्री भएको थियो ।
