२१ चैत, काठमाडौं । त्रिचन्द्र क्याम्पसको स्ववियु अध्यक्षमा १२१५ मत प्राप्त गर्दै नेविसंघका गोविन्द कोइराला निर्वाचित भएका छन । नवनिर्वाचित स्ववियु अध्यक्ष गोविन्द कोइराला महामन्त्री गगन थापा निकट हुन् ।
त्रिचन्द्रमा नेविसंघले सचिव र कोषाध्यक्ष समेत नेविसंघले जितेको छ । सचिवमा आशिष गिरीले ८५६ मत प्राप्त गरे भने कोषाध्यक्षमा दुष्यन्त गौतमले ८८३ मत पाएर निर्वाचित भए ।
अध्यक्षमा स्वतन्त्र उम्मेदवार बनेका सागर न्यौपानेले ६८३ मत पाए भने नेकपा एमाले निकट विद्यार्थी संंगठन अनेरास्ववियुबाट अध्यक्षका उम्मेदवार प्रमित विष्टले ४३१ मत पाएका थिए ।
त्रिचन्द्रमा १६ वर्षपछि स्ववियु निर्वाचन भएको हो ।
