झापा । झापाको भद्रपुर नगरपालिकाले यहाँका दुई सहकारीलाई एकरएक ‘राइस ट्रान्सप्लान्टर’ मेसिन (धान रोप्ने मेसिन) प्रदान गरेको छ।
एनएमसी एग्रो फार्म भद्रपुर-९ लाई एउटा चार चक्के राइस ट्रान्सपलान्टर, ६ हजार थान सिड ट्रे, एउटा प्याडी सिडर र पुष्पाञ्जली महिला कृषि सहकारी संस्था भद्रपुर-१ लाई एउटा चार चक्के राइस ट्रान्सपलान्टर र ६ हजार थान सिड ट्रे प्रदान गरिएको हो।
भद्रपुर नगरपालिकाका प्रमुख प्रशासकीय अधिकृत सुनिल निरौलाका अनुसार ५८ लाख ५३ हजार रुपैयाँको लागतमा दुई वटा चार चक्के धान रोप्ने मेसिन खरिद गरी सहकारी संस्थालाई प्रदान गरिएको हो। जसमा नगरपालिकाको ७५ प्रतिशत र २५ प्रतिशत लाभग्राही संस्थाको लागत सहभागिता रहेको छ।
‘यो मेसिनले एक घण्टामा सातदेखि आठ कठ्ठा क्षेत्रफलमा धान रोप्छ’ उनले भन, ‘यसले धान उत्पादनमा लागत घटेर किसान लाभान्वित हुने विश्वास छ।’ नगरले वितरण गरेको १२ हजार थान ‘सिड ट्रे’मा एक पटक बिउ राख्दा करिब एकसय २० देखि एकसय ५० बिघा क्षेत्रफलमा धान रोप्न पुग्नेछ।
प्रोत्साहन रकम
नगरपालिकाले धान, मकै, फापर, कोदो, तोरी, तरकारीलगायतका कृषिउपज उत्पादनका आधारमा प्रोत्साहन रकमसमेत प्रदान गरेको छ। नगरको चालु आर्थिक वर्ष २०८१/८२ को कृषि कार्यक्रममार्फत किसानलाई प्रोत्साहन रकम प्रदान गरिएको नगरपालिकाका सहायक कृषि प्रसार अधिकृत हेमराज पन्तले जानकारी दिए।
तेलहन बाली प्रबर्द्धन कार्यक्रमअन्तरगत तीन हजार ९ सय ३५ कठ्ठामा तोरीखेती गर्ने दुई सय ४३ वटा कृषकरसंस्थालाई प्रतिकठ्ठा पाँच सयका दरले २० लाख रुपैयाँ उपलब्ध गराइएको हो। त्यस्तै आलु खेती प्रबर्द्धन कार्यक्रमअन्तरगत यहाँका एकसय ४४ कृषकरसंस्थालाई १५ लाख रुपैयाँ प्रोत्साहन रकम उपलब्ध गराइएको छ।
६ सय ६२ कठ्ठामा आलुखेती गरेबापत प्रतिकठ्ठा दुई हजार रुपैयाँको दरले प्रोत्साहन रकम उपलब्ध गराइएको हो। यस्तै रैथाने बाली प्रबर्द्धन कार्यक्रमअन्तरगत ५५ वटा कृषकरसंस्थालाई तीन सय १५ कठ्ठामा कोदो खेती गरे बापत प्रतिकठ्ठाको सात सय रुपैयाँका दर र ५९ वटा कृषकरसंस्थालाई चार सय ८८ कठ्ठामा फापरखेती गरेबापत प्रतिकठ्ठाको पाँच सय रुपैयाँको दरले गरी पाँच लाख रुपैयाँ नगद प्रोत्साहन रकम उपलब्ध गराइएको नगरपालिकाले जनाएको छ।
यस्तै नगर प्रमुख तरकारीखेती प्रबर्द्धन कार्यक्रम नजा अन्तरगत न्यूनतम पाँच कठ्ठामा तरकारी खेती गर्ने ५१ जना किसानाई आवश्यक पर्ने कृषि यन्त्र-औजार, बीऊ-बिजन, मल तथा बिषादी ७५ प्रतिशत अनुदानमा उपलब्ध गराइएको छ। मागको आधारमा प्रति कृषक १८ हजार सात सय ५० बराबरको सामग्री उपलब्ध गराइएको कृषिप्रसार अधिकृत पन्तले बताए।
बगर खेती कार्यक्रमबाट १२ कृषकलाई पाँच लाख रुपैयाँ उपलब्ध गराइएको छ। यसबाट २० बिघाभन्दा बढी बगरमा खरबुजा खेती गर्न उत्साहित भई किसानले आयआर्जन गर्न सफल भएका छन्। रासस
