काठमाडौँ । कांग्रेसको आगामी महाधिवेशनको मितिबारे महामन्त्रीद्वय पक्षधर र संस्थापन पक्षधरबीच सहमति हुन नसक्दा शुक्रबारका लागि तय भएको कांग्रेस केन्द्रीय समिति बैठक स्थगित भएको छ।
पार्टी केन्द्रीय कार्यालय सानेपामा शुक्रबार दिउँसो १ बजे बस्ने गरी बोलाइएको बैठक स्थगित भएको हो।
एक केन्द्रीय सदस्यका अनुसार, कार्यवाहक सभापतिसँग कुरा नमिलेपछि महामन्त्रीद्वय बैठक हलमै प्रवेश नगरी बाहिरिएका थिए । त्यसपछि कार्यवाहक सभापतिका तर्फबाट सूचना सुनाउँदै बैठक स्थगित भएको हो ।
अब आइतबार दिउँसो १ बजे केन्द्रीय समिति बैठक बस्नेछ।
