काठमाडौं । नेपाली बजारमा सोमबार सुनको मूल्य बढेको छ ।
आज सुन प्रतितोला ४६ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार अघिल्लो दिन सुनको मूल्य प्रतितोला दुई लाख ६० हजार ४०० रुपैयाँमा कारोबार भएको सुन आज दुई लाख ६५ हजारमा कारोबार भइरहेको छ ।
यस्तै, अघिल्लो दिन प्रतितोला चार हजार ५०० रुपैयाँ रहेको चाँदी यस दिन बढेर चार हजार ६८५ रुपैयाँमा कारोबार भइरहेको महासंघले जनाएको छ ।
