काठमाडौँ । नेपाल प्रहरीले भोटेकोशीमा गएको बाढीका कारण रसुवा, नुवाकोट, धादिङलगायत क्षेत्रमा क्षति पुगेपछि सम्भावित जोखिमलाई मध्यनजर गर्दै पृथ्वी राजमार्ग र मुग्लिन नारायणगढ सडक खण्डमा सवारी आवागमन पूर्णरूपमा बन्द गरिएको जनाएको छ ।
प्रहरीले अत्यावश्यक काम बाहेक यात्रा नगर्न र सुरक्षित स्थानमा रहन अनुरोध गरेको छ । आजदेखि अर्को सूचना जारी नभएसम्म उक्त सडक खण्ड भएर चल्ने सबै सार्वजनिक तथा निजी सवारीसाधनको आवागमन पूर्ण रूपमा बन्द गरिएको जनाएको हो ।
त्यस्तै जिल्ला प्रशासन कार्यालय धादिङले जिल्ला अन्तर्गत पृथ्वी राजमार्गमा सवारी आवागमन पूर्ण रूपमा बन्द गरेको जनाएको छ ।
जिल्ला प्रशासन कार्यालयले आज सूचना जारी गर्दै आजदेखि अर्को सूचना जारी नभएसम्म पृथ्वी राजमार्ग भएर चल्ने सबै सार्वजनिक तथा निजी सवारीसाधनको आवागमन पूर्ण रूपमा बन्द गरिएको जनाएको हो ।
प्रमुख जिल्ला अधिकारी लक्ष्मी पाण्डेय ९गौतम०ले बाढीका कारण रसुवा, नुवाकोटलगायत धादिङ जिल्लाको पृथ्वी राजमार्गका विभिन्न स्थानमा समेत क्षति पुगेको जानकारी दिइन् ।
बाढी तथा त्यसबाट उत्पन्न हुन सक्ने थप जोखिमलाई ध्यानमा राखी आम सर्वसाधारणको जीउज्यानको सुरक्षाका लागि सवारी आवागमन बन्द गर्ने निर्णय गरिएको उनले जानकारी दिइन् ।
