काठमाडौं । नेपाली कांग्रेसको केन्द्रीय सभापतिमा उम्मेदवारी दिन ४० हजार रुपैयाँ शुल्क बुझाउनुपर्ने भएको छ ।
कांग्रेसले जारी गरेको ‘निर्वाचन निर्देशिका, २०८३’ ले विभिन्न तहका नेतृत्वका उम्मेदवारका लागि शुल्क निर्धारण गरेको हो ।
निर्देशिकाअनुसार केन्द्रीय सभापतिको उम्मेदवारले उम्मेदवारी दर्ताका क्रममा ४० हजार रुपैयाँ शुल्क तिर्नुपर्नेछ ।
त्यस्तै, सभापतिमा उम्मेदवारी दिन महाधिवेशन प्रतिनिधिमध्येबाट १० जना प्रस्तावक र १० जना समर्थक राख्नुपर्ने व्यवस्था गरिएको छ ।
कांग्रेसले महाधिवेशनअन्तर्गत विभिन्न तहका पदमा उम्मेदवारी दिन लाग्ने शुल्कसमेत निर्वाचन निर्देशिकामै तोकेको छ ।
