काठमाडौं । बेलायती प्रधानमन्त्री केयर स्टारमरले बिहीवार लण्डनको डाउनिङ स्ट्रिटमा युक्रेनी राष्ट्रपति भोलोडिमिर जेलेन्स्कीसँग भेटवार्ता गरेका छन् ।
एक आधिकारिक विज्ञप्तिअनुसार दुई नेताले जर्मन चान्सलर फ्रेडरिक मर्जले आयोजना गरेको भर्चुअल बैठकहरू, साथै शुक्रवार अमेरिकी राज्य अलास्का मा हुने आगामी ट्रम्प–पुटिन शिखर सम्मेलनको बारेमा छलफल गरे ।
आगामी दिनहरूमा नजिकको सम्पर्कमा रहन उनीहरू सहमत भएका छन् ।
जेलेन्स्कीले स्टारमरसँग हुने आगामी अमेरिका–रूस बैठकको अपेक्षाहरूबारे छलफल गरेको बताए । एजेन्सी
