काठमाडौं असोज, २–
२५ हजार रुपैयाँ घुसहित नापी कार्यालय बुढानीलकण्ठ, काठमाडौंका नापी सर्वेक्षक सुरेन्द्रसिंह कुवँर पक्राउ परेका छन् ।
अख्तियार दुरुपयोग अनुसन्धान आयोगको टोलीले उनलाई जग्गा हाल साविक गर्ने प्रयोजनका लागि घुस मागेको भन्ने उजुरीका आधारमा पक्राउ गरेको हो ।
घुसबापतको २५ हजार रकम लिइसकेको अवस्थामा बुढानीलकण्ठ नगरपालिका वडा नं–७ हात्तीगौडास्थित कमर्सियल कम्प्लेक्सको कम्पाउण्डबाट उनलाई नियन्त्रणमा लिइएको अख्तियारले जनाएको छ ।
अख्तियारले यसबारेमा आवश्यक अनुसन्धान भइरहेको जानकारी गराएको छ ।
