काठमाडौं असोज, १७–
काठमाडौंबाट एक बालक अपहरणमा परेका छन् । काठमाडौंको गोठाटारस्थित तेजविनायक विद्यालय नजिकैबाट ७ वर्षीय बालक अपहरण परेका हुन् ।
महानगरीय प्रहरी परीसर काठमाडौंका प्रवक्ता होविन्द्र बोगटीले तीन जनाको समूहमा आएका अज्ञात व्यक्तिले जबरजस्ती ट्याक्सीमा बालकलाई हालेर लगेको जानकारी आएको बताए । स्थानीय किराना पसल सञ्चालकले सो दृश्य देखेपछि प्रहरीलाई खबर गरेका थिए ।
प्रहरीले बालकलाई सकुशल अपहरणमुक्त गर्न अपरेशन तीब्र पारेको जनाइएको छ ।