काठमाडौं ।
भारतको निर्वाचन आयोगले मध्य प्रदेश, मिजोरम, छत्तीसगढ, राजस्थान र तेलंगनामा विधानसभा निर्वाचनको मिति तय गरेको छ । जसमध्ये छत्तीसगढमा दुई चरणमा निर्वाचन हुनेछ भने अन्य राज्यहरुमा एकै चरणमा निर्वाचन हुने भएको छ । ।
यी राज्यहरुमा जित हासिल गर्नेको पक्षमा आगामी सरकार बन्नसक्ने धेरैको आँकलन रहेकोले पनि उक्त राज्यहरुमा हुन गइरहेको निर्वाचन महत्वपूर्ण हुने बताइएको छ । यो निर्वाचनमा विपक्षी पार्टी एक भएर जाने तयारीमा छन् । आगामी निर्वाचनमा गठबन्धन बनाउँदै निर्वाचनमा जाने तयारीमा रहेको कांग्रेस आईलेअन्य पार्टीहरुसँग सहकार्य गर्दै अघि बढ्ने योजना बनाएको छ ।
छत्तीसगढ, राजस्थान र मध्य प्रदेशमा रहेको बीजेपीको सरकार पुनः कायम हुने वा नहुने भन्ने कुराले आगामी निर्वाचनको भविष्य तय गर्नेछ । यसअघि बीजेपीको सरकार रहेको गोवामा कांग्रेस पहिलो पार्टी बनेको थियो भने मोदीकै गृहक्षेत्र गुजरातमा पनि विपक्षी पार्टीहरुसँग निकै कडा प्रतिस्पर्धा भएको थियो ।
(एजेन्सी)