काठ्मान्डौ-
अर्घाखाँची जिल्लाको भूमिकास्थान नगरपालिका ढिकुरा पेँहाले निवासी माधव प्रसाद घिमिरेको ४ बर्षिय छोरा आरएन घिमिरेको चितुवाको आक्रमणबाट मृत्यु भएको छ ।
अहिले बेलुकी ५ बजेतिर आफ्नै घर आमाको काखमा रहेको बखत चितुवाले आक्रमण गरि गम्भीर घाइते बनाएकोमा निजको जिल्ला अस्पतालमा ल्याउँदै गर्दा मृत्यु भएको अर्घाखाँची प्रहरिले जनाएको छ ।
स्थानीय छिमेकी खिम प्रसाद मरासिनीले उपचारको क्रममा गम्भीर घाइते अवस्थामा जिल्ला अस्पताल ल्याएपछि उपचार सुरु गर्न नपाँउदै चिकित्सकले मृत घोषणा गरेका थिए ।
चितुवाले विगत ३ बर्षदेखि आतंक फैलाउँदा जिल्लावासी अत्यन्तै त्रासमा बस्न बाध्य भएका छन् । चितुवा नियन्त्रण गर्न अनेक प्रयास गर्दा पनि नरभक्षी चितुवा मार्न सकिएको छैन ।
अहिलेसम्म अर्घाखाँची जिल्लामा १५ जना बालबालिकालाई चितुवाले आक्रमणबाट मृत्यु भएको छ । ६ जना गम्भीर घाइतेपछि निको भएका छन् । यसलाई राज्यले गम्भिरता पूर्वक सुरक्षाकर्मी परिचालन गरेर वा निकुञ्जबाट बाघ नियन्त्रण गर्ने टोली परिचालन गरि नरभक्षी बाघ नियन्त्रण गर्न सम्बन्धित निकाय समक्ष स्थानियले माग गरेका छन् ।
