काठमाडौं मंसिर, १७–
सत्तारुढ दल नेपाल कम्युनिष्ट पार्टी भित्र वरिष्ठ नेता माधवकुमार नेपालको असन्तुष्टि सार्वजनिक भएको छ । नेता नेपालको असन्तुष्टिसँगै नेकपा सचिवालयको निर्णयबाट पछि हटेको छ । गएको १२ गते बसेको सचिवालय बैठले प्रदेश सदस्यहरुको नाम टुंगो लगाएको र त्यसको भोलिपल्ट सार्वजनिक गर्ने भनिएपनि अहिलेसम्म सार्वजनिक हुन सकेको छैन ।
नेकपा स्रोतका अनुसार नेता नेपालकै असन्तुष्टिका कारण नाम सार्वजनिक नगरिएको हो । नेता नेपालले प्रदेशको इन्चार्ज, सहइन्चार्ज र अध्यक्ष चयनमा पनि असहमति जनाएका थिए । १२ गतेको सचिवालय बैठकले केही नाम थप गर्ने र केही हटाउने समझदारी जुटाएको थियो । प्रदेश १, २ र ३ को नाम अन्तिम भए पनि अन्य प्रदेशको टुंगो लाग्न बाँकी रहेको स्रोतले जनाएको छ ।
बरिष्ठ नेता नेपालले सचिवालयबाट टुंगिएका कतिपय व्यक्ति मापदण्डमा नपर्ने भन्दै सार्वजनिक सच्याउन माग गरेका छन् । नेपाललको असन्तुष्टिपछि पुनः नाम टुंग्याउने जिम्मा अध्यक्षद्वय केपी शर्मा ओली र पुष्पकमल दाहाल ‘प्रचण्ड’लाई दिइएको छ ।
गएको असोज ५ गतेको बैठकबाट नेकपाले प्रदेश इन्चार्ज–सहइन्चार्ज तथा अध्यक्ष–सहअध्यक्ष टुंगो लगाएको थियो । त्यतिबेला नेपाल विदेशमा भएको हुनाले बैठकमा सहभागी थिएनन् । आफू विदेशमा भएका बेला प्रदेश इन्चार्ज र अध्यक्ष चयन गरिएको भन्दै विरोध जनाएका थिए ।
तत्काली एमाले र माओवादी केन्द्रबीच गएको जेठ ३ गते पार्टी एकता भएको थियो । पार्टी एकता भएको झण्डै ७ महिना पुरा हुन लाग्दा पनि त्यसले पूर्णता पाएको छैन । पार्टीका जवसको एकता पनि अन्योलमा छ ।
अध्यक्षद्वयको उदासिनता कारण एकताले मुर्तरुप लिन नसकेको एक स्थायी समिति सदस्यले । अध्यक्षहरुले पार्टीको स्थायी समिति र केन्द्रीय समितिको बैठक समेत बोलाउन नसकेको उनको आरोप छ । एकतापछि स्थायी र केन्द्रीय समिति बैठक एकरएक पटक मात्रै बसेको छ ।
मंसिरको पहिलो साता नेकपाका २२ केन्द्रीय सदस्यहरुले एकता छिटो टुङ्ग्याउन, पोलिटब्यूरो गठन गर्न र केन्द्रीय समितिको बैठक तत्काल बोलाउन माग गर्दै महासचिव विष्णु पौडेललाई ज्ञापनपत्र पेश गरेका थिए ।
त्यसयता उनीहरुले अध्यक्ष प्रचण्ड, वरिष्ठ नेता नेपाल, सचिवालय सदस्यहरु झलनाथ खनाल र वामदेव गौतमलाई समेत भेटेर आफ्ना मागहरु राखेका छन् । तर, उनीहरुको मागको अहिलेसम्म सम्बोधन हुन सकेको छैन ।