कैलाली वैशाख, ४–
कांग्रेस सभापति शेरबहादुर देउवाले पार्टी भित्रको गुटउपगुट आउने १४ महाधिवेशपछि अन्त्य हुने बताएका छन् । बुधबार वर्तमान सरकारलाई प्रेस युनियन कैलालीले आयोजना गरेको पत्रकार सम्मेलनमा बोल्दै सभापति देउवाले ‘पार्टीमा आफ्नो विरोध गर्न छुट भएको भन्दै पार्टीलाई नै क्षति पुग्नेगरी विरोध नगर्न आग्रह समेत गरे । सभापति देउवाले पार्टीमा बिरोध गर्न मात्रै होइन आफ्नाविरुद्ध पार्टीको सभापतिमा चुनाव लड्न पनि सबैलाई छुट भएको बताए ।
पर्टीभित्रको गुटबन्दी अन्त्य गरेर विश्राम लिने भन्दै आगामी पार्टी महाधिवेशनले आन्तरिक गुटबन्दीको अन्त्य गर्ने सभापति देउवाले दाबी गरे ।
उनले पार्टीले थालनी गर्न लागेको राष्ट्रिय जागरण अभियानलाई सफल पार्न पार्टी पंतिलाई निर्देशन समेत दिए । सभापति देउवाले भ्रातृ संगठनलाई चाँडै चुस्तदुरुस्त बनाएर लैजाने पनि प्रष्ट पारे ।
उनले टीकापुरमा आपसी मेलमिलापको अवस्था विकास भएको प्रति खुसी व्यक्त गर्दै यसलाई निरन्तरता दिन उनले सबैको सहयोगको खाँचो औंल्याए । पूर्वप्रधानमन्त्री समेत रहेका देउवाले प्रमुख प्रतिपक्षी दल कांग्रेसले प्रभावकारी ढंगले प्रतिपक्षको भूमिका निर्वाह गर्ननसकेको आरोप अस्वीकार गरे ।
उनले भने, ‘काँग्रेसले प्रतिपक्षी भूमिका राम्रोसँग निभाएको । हामीले प्रतिपक्षको भूमिकामा निभाउदा आगो लगाउने, रेलिङ भाँच्ने काम गरेको छैन। त्यो हामीबाट हुँदैन पनि ।’
उनले वर्तमान सरकारलाई आगामी चुनावबाटै कांग्रेसले प्रतिस्थापन गर्ने सभापति देउवाले ठोकुवा गरे।
बैशाख ४, २०७६ बुधबार
प्रकाशित मिति : बैशाख ४, २०७६ बुधबार ६ : ३८ बजे
