चितवन –शुक्रबार बिहान त्रिशूलीमा नदीमा ट्रक खसेको छ । मुग्लिनबाट काठमाडौँ आउँदै गरेको ना ७ ख ६७६५ नम्बरको इँटा बोकेको ट्रक नदीमा खस्दा दुई जनाको मृत्यु भएको छ। दुर्घटनामा एक जना गम्भीर घाइते भएका छन्।
प्रहरीका अनुसार पृथ्वीराजमार्गअन्तर्गत चितवनको इच्छाकामना–३ चुम्लिङटार नजिकैबाट त्रिशूली नदीमा ट्रक खसेको हो।
इलाका प्रहरी कार्यालय मुग्लिनका अनुसार घाइतेको उद्धार गरी उपचारका लागि भरतपुर पठाइएको जनाएको छ। घाइते र मृतक दुवैको परिचय नखुलेको प्रहरीले बताएको छ । अहिले दुर्घटनाको थप विवरण आउन बाँकी छ।
