नेकपा एमालेका अध्यक्ष केपी शर्मा ओलीले समानुपातिक सांसद हटाउन सक्ने अधिकार पाएका छन्। शनिवार बालुवाटारमा बसेका केन्द्रीय समितीको बैठकले समानुपातिक सांसद हटाउन सक्ने अधिकार दलका नेता ओलीलाई दिइएका हुन् ।
अध्यक्षलाई अधिकार प्रत्यायोजन शीर्षकमा राखिएको एजेण्डाबारे बैठकले समानुपातिक सांसद हटाउन सक्ने अधिकार पनि ओलीलाई दिएको एक नेताले बताए ।
यस्तै पार्टीको केन्द्रीय सदस्य वा मातहत कमिटीको सदस्य थप्ने वा हटाउने अधिकार ओलीलाई दिइएको छ । वैठकले केन्द्रीय सदस्य र मातहतका नेताहरुलाई बिदाइ, मनोनयन तथा कारबाही गर्नुका साथै संवैधानिक निकायहरुमा पार्टीको तर्फबाट लिइने सबै अधिकार पनि ओलीलाई दिइएको छ ।
