नेपाली कांग्रेसले निर्वाचन समितिको संयोजकमा पूर्वमहान्यायाधिवक्ता महादेव यादवलाई चयन गरेको छ ।
कांग्रेस शीर्ष नेताहरूबीच यादवलाई जिम्मेवारी दिने सहमति भएको हो ।
सभापति शेरबहादुर देउवा निवास बूढानीलकण्ठमा आज बसेको कांग्रेसका पदाधिकारी एवं पूर्वपदाधिकारीहरूको बैठकले निर्वाचन समितिको संयोजक चयन गरेको हो ।
यसअघि निर्वाचन समितिका संयोजक रहेका राधेश्याम अधिकारीले राजीनामा दिएपछि उक्त पद रिक्त रहेको थियो ।
आजको बैठकमा आगामी भदौमा हुने १४ औं महाधिवेशनको सन्दर्भमा पदाधिकारी र पूर्वपदाधिकारीहरुबिच महत्वपुर्ण छलफल भएको जानकारी प्राप्त भएको छ ।