एमाले अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपालबीच भेटवार्ता भएको छ ।
नागपोखरीस्थित होटल मेरियटमा भएको भेटबार्ता भएको हो ।
संसद् विघटनपछी प्रधानमन्त्री ओली र नेता नेपालबीचको सम्बन्ध बिग्रिएको थियो ।
त्यसपछि नेकपाको एकता सर्वोच्च अदालतले भङ्ग गराएपछिसमेत दुई नेताबीच संवादहीनताको स्थिति थियो ।
नेता नेपालले बालुवाटारमा हुने पार्टीका बैठकमा सहभागी नहुने घोषणा गरेका थिए ।
आज मात्र नेकपा नेता योगेश भट्टराईले प्रधानमन्त्री ओलीलाई भेटेर पार्टी एकता जोगाउन आग्रह गरेका थिए ।
पछिल्लो समय प्रधानमन्त्री ओलीले नेता नेपालसहित २७ जना सांसदहरुलाई सांसद पदबाट किन नहटाउने भनी स्पष्टीकरण सोधेका थिए ।
माधब नेपाल पक्षले ओलिले गर्न लागेको कारबाही रोक्न सर्बोच्चमा रिट दायर गर्ने निर्णय गरिसकेको छ ।
उनीहरूको रिट सर्बोच्चमा आज पेश भए पनि दर्ता भइसकेको छैन।