विपक्षी गठबन्धनका शीर्ष नेताहरु सिंहदरबारमा छलफलमा जुटेका छन् ।
कांग्रेस सभापति शेरबहादुर देउवालाई संविधानको धारा ७६(५) को प्रधानमन्त्री नियुक्त गर्न माग गर्दै सर्वोच्च अदालतमा रिट दायर गरेका दलका शिर्षनेताहरु छलफलमा जुटेका हुन ।
नेपाली कांग्रेस संसदीय दलको कार्यालय सिंहदरबारमा दिउँसो साढे २ बजेदेखि ३ दलको बैठक शुरू भएको हो ।
बैठकमा कांग्रेस सभापति देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र एमाले नेता माधवकुमार नेपाल सहभागी छन् ।
प्रतिनिधिसभा विघटनविरुद्ध कानूनी र राजनीतिक आन्दोलन गर्ने बताएको विपक्षी गठबन्धनले थप रणनीति बनाउनका लागि छलफलमा जुटेका हुन् ।
