सनराइज क्यापिटलको १२ औं वार्षिक साधारण सभा सम्पन्न भएको छ । क्यापिटलको वार्षिक साधारण सभा शुक्रवार काठमाडौंको अलफ्ट होटल ठमेलमा सम्पन्न भएको हो । सनराइज क्यापिटल सनराइज बैंकको पूर्ण स्वामित्वमा रहेर बैंकको सहायक कम्पनीका रुपमा संचालित छ।
साधारण सभाले आ.व. २०७८/०७९ को मुनाफाबाट २५ प्रतिशत (कर सहित) नगद लाभांश वितरण गर्ने प्रस्ताव पारित गरेको छ । तेस्तै आ.व. २०७८/०७९ वार्षिक प्रतिवेदनसँगै सोही अवधिको आषाढ मसान्तको बासलात, नाफा–नोक्सान हिसाब, नगद प्रवाह विवरण र आ.व. २०७९/०८० का लागि लेखापरीक्षक नियुक्ति र पारिश्रमिक निर्धारणको प्रस्ताव पनि पारित गरेको छ ।
