काठमाडौँ। काठमाडौंको बानेश्वरस्थित संघीय संसद भवन अगाडि कालो झण्डासहित प्रदर्शन भएको छ।
प्रदर्शन गर्नेमध्ये ७ जनालाई पक्राउ गरिएको प्रहरीले जानकारी दिएको छ।
बिहीबार दिउँसो संसद भवनको ३ नम्बर गेट अगाडि उनीहरूले प्रदर्शन गरेका थिए।
काठमाडौंका एसपी नवराज अधिकारी अनुसार उनीहरू धर्मेन्द्र बाँस्तोला नेतृत्वको नेकपा बहुमतका कार्यकर्ता हुन्।
पक्राउ परेका उनीहरूलाई महानगरीय प्रहरी वृत्त बानेश्वरमा राखिएको छ।
