काठमाडौं । कुमारी बैंक लिमिटेडका ग्राहकहरुले बी एण्ड बी अस्पतालका सेवाहरुमा विशेष छुट पाउने भएका छन् । कुमारी बैंक लिमिटेड र बी एण्ड बी अस्पताल प्रा.लि. ग्वार्को–ललितपुरबीच कुमारी बैंकका ग्राहकहरुलाई अस्पतालबाट प्रदान गरिने स्वस्थ्य सेवामा विशेष छुट प्रदान गर्ने सम्झौता भएको हो ।
सम्झौता अनुसार अस्पतालबाट प्रदान गरिने सेवाहरु inpatient, outpatient, आकस्मिक सेवा तथा औषधिहरूमा ग्राहकहरूलाई १०% सम्मको विशेष छुट प्रदान गरिनेछ ।
विगत २५ वर्ष देखि निरन्तर बैंकिङ्ग सेवा दिदै आएको कुमारी बैंकले आफ्ना देशभर रहेका २८६ शाखा सञ्जाल, ३०४ एटिएम, ४१ एक्सटेन्सन काउन्टर तथा ४८ शाखा रहित बैंकिङ्ग ईकाईहरु मार्फत ग्राहकवर्गलाई सुरक्षित, भरपर्दो र उच्चस्तरीय सेवा सुविधा उपलब्ध गराउँदै आएको छ ।
ग्राहकको स्वास्थ्य सुरक्षालाई संस्थागत जिम्मेवारीको रूपमा लिँदै, बैंकद्वारा देश तथा विदेशका प्रतिष्ठित अस्पतालहरूसँग विशेष छुटसम्बन्धी सम्झौताहरू गरिएको र गुणस्तरीय स्वास्थ्य सेवामा सहज पहुँच सुनिश्चित गरेको बैंकले जनाएको छ । बदलिँदो समयसँग समन्वय गर्दै, सेवामा निरन्तर सुधार र थप सुविधा विस्तार गर्नुपर्ने आवश्यकतालाई आत्मसात गर्दै आगामी दिनहरूमा अझ व्यापक र सुलभ सेवाहरू सुनिश्चित गर्ने अठोट व्यक्त गरेको पनि बैंकले जनाएको छ ।
