नेकपा एमाले दशौं महाधिवेशन आयोजक कमिटीको बैठक आज प्रधानमन्त्री निवास बालुवाटारमा बस्दैछ ।
बैठक बिहान ११ बजेका लागि बोलाइएको छ ।
यसअघिको बैठकले माधवकुमार नेपाल पक्षका २७ जना संघीय सांसद र पाँचजना कर्णाली प्रदेश सांसदलाई स्पष्टिकरण सोधेको थियो ।
स्पष्टिकरण चित्तबुझ्दो नआए स्पष्टिकरण सोधिएकालाई आजको बैठकले कारबाही गर्ने बताइएको थियो ।
सांसदहरुले स्पष्टिकरण बुझाइसकेका छन् । आजको बैठकले नेपाल पक्षमाथि कारबाही गर्छ या गर्दैन भन्नेमा सबैको चासो केन्दृत छ ।
उनीहरुको जवाफमाथि आजको बैठकमा छलफल र थप कारबाहीको निर्णय हुन सक्ने बताइएको छ ।
यो बिचमा प्रधानमन्त्री केपी शर्मा ओली र नेता माधवकुमार नेपालबिच दुईपटक भेट भएको छ ।
