काठमाडौ जेठ, १२–
साताको पहिलो कारोबार दिन आज आईतबार सेयर बजार रातै देखिएको छ । नेप्सेमा आज ११ वटा समुहको कारोबार भएकोमा ति सबैको कारोबार सुचक घट्दा बजार पुरै रातो भएको हो । आज नेप्से ११ दशमलव ९३ अंंकले घटेर १३ सय दुई दशमलव ६१ अंकमा पुग्दा सेन्सिटिभ पनि दुई दशमलव ८२ अंकले घटेर दुई सय ७७ दशमलव ५६ अंंकमा झरेको छ । आज एक सय ६५ कम्पनीहरुको नौ हजार दुई सय ९४ वटा कारोबारमा २० लाख ५४ हजार दुई सय ८६ कित्ता सेयर किनबेच भएकाछन् भने सेयर कारोबार रकम ६२ करोड ६२ लाख एक हजार छ सय ६६ रुपैयाँ पुुगेको छ ।
आज कारोबार भएका समुह मध्ये वाणिज्य बैंक समुहको सुचक नौ दसमलव छ अंकले घटेर ११ सय ५७ दशमलव ८१ अंकमा झरेको छ भने निर्जिवन बीमा समुहको सुचक पनि ३५ दशमलव आठ अंकले घटेर पाँच हजार आठ सय ५९ दशमलव ८९ अंकमा झरेको छ । विकास बैंक, जीवन बीमा, होटल, जलबिद्युुत, फाईनान्स, उत्पादनमुलक, अन्य, लघुबित्त र सामुहिक लगानी कोष समुहको सुचक पनि घटेकाछन् ।
कमाउने कम्पनीहरुको सुचीमा आज ग्लोबल आईएमई लघुबित्त बित्तीय संस्था, एनएमबि माईक्रो फाईनान्स आदि परेकाछन् भने गुमाउने कम्पनीहरुको सुचीमा जोशी हाईड्रो पावर कम्पनी, हिमालयन डिष्ट्रिलरी प्राली आदि परेकाछन् । यसैगरी कारोबार भएको रकमका आधारमा भने आज नेपाल बैंक, शिवम सिमेन्ट आदि परेकाछन् ।
