काठमाण्डौ,
तीब्र गतिका कारण कोटेश्वर–कलंकी सडकखण्डमा सवारी दुर्घटना बढ्न थालेपछि ट्राफिक प्रहरीले नयाँ नियम ल्याएको छ । उक्त सडकमा सोमबारदेखि तीव्र गतिमा सवारी हाँक्न पाइने छैन ।
ट्राफिक प्रहरी महाशाखाका अनुसार अब सवारी चालकले मुख्य लेनमा ५० किलोमिटर प्रतिघण्टा भन्दा बढी गतिमा सवारी हाँक्न पाउने छैनन् । यस्तै सर्भिस लेनमा २० किलोमिटर प्रतिघण्टाको सीमा तोकिएको छ ।
तोकिएको सीमा उलंघन गरि सवारी चलाएको पाइएमा यातायात व्यवस्था ऐन २०४९ परिच्छेद १० को दफा १६४ (६) बमोजिम कारबाही हुने प्रहरीले जनाएको छ ।
यो सडक खण्ड मित्रराष्ट्र चिनको सहयोगम बनेर केहि महिना अघी देखी सञ्चालनमा आएको हो ।यो सडक खण्डमा सडकको बिचभागमा डिभाइडर नहुँदा सडक दुर्घटना बढिरहेको बताइएको छ ।
