काठमाडौं जेठ, २२–
हिमालयन बैंकले ऋणपत्र जारी गर्ने भएको छ । बैंकले बार्षिकरुपमा १० प्रतिशत व्याज दिने गरी तीन अर्ब रुपैयाँ बराबरको ऋणपत्र जारी गर्न लागेको हो ।
केयर रेटिङ नेपालले गरेको रेटिङ अनुसार बैंकले पर्याप्त सुरक्षाको आधार जनाउने ‘केयर एनपि सिङगल ए’ प्राप्त गरेको छ ।
सवल संस्थागत लगानीकर्ता, अनुभवी व्यस्थापन समुह तथा पर्याप्त पूँजीकरणका कारणले बैंकले राम्रो रेटिङ प्राप्त गरेको हो । बैंकले विगत २७ वर्षदेखि वित्तीय सेवा प्रदान गर्दे आएको छ ।
पाकिस्तानको हविव बैंकको संयुक्त लगानीमा हिमालयनको स्थापना भएको थियो । बैंकले यस अगाडि आठ प्रतिशत व्याजदरमा ७५ करोड रुपैयाँको ऋणपत्र जारी गरेको थियो । चुक्ता पूँजी आठ अर्ब ५२ करोड रुपैयाँ रहेको बैंकको जगेडा कोषमा छ अर्ब ७४ करोड रुपैयाँ रहेको छ ।
