ओखलढुंगा-
नेपाली कांग्रेसले दोस्रो चरणको राष्ट्रिय जागरण अभियानका सम्पन्न गरेको छ ।
देशभर जस्तै ओखलढुंगामा पनि गत भदौ २४ गते बाट सुरुभएको दोस्रो चरणको जागरण अभियान असोज ७ गते समापन गरेको हो । प्रदेश सभा निर्वाचन क्षेत्र स्तरिय जागरण अभियानका क्रममा दुबै निर्वाचन क्षेत्रमा पुगेर पार्टीका निति कार्यक्रम संगै सरकाका गलत क्रियाकलापका बारेमा नागरिक लाई जानकारी गराएको ओखलढुंगा कांग्रेस ओखलढुंगाले जनाएको छ ।
अभियानमा स्थानीय स्तरका विकास निर्माण, शुसासन र स्थानीय तहमा भएका भ्ष्टाचार जन्य गतिविधिका बारेमा स्थानीय नेता कार्यकर्ताहरु संग छलफल गरी आगामी दिनमा कसरी अघि बढ्ने भन्ने विषयमा योजना तय गरिएको जिल्ला उपसभापति तेजेन्द्र खनालले बताउनुभयो । अभियानका क्रममा पार्टीको आन्तरिक समस्या समाधानका विषयमा समेत व्यपक छलफल भएको बताइएको छ । जागरण अभियान कार्यकर्तामा थप उत्साह जागेको र नेताहरु विच देखिएको आन्तरिक द्धन्द समाधानका लागि समेत फलदायि भएको नेताहरुले बताएका छन् ।
पार्टीका संस्थापक नेता एवं पहिलो जननिर्वा्चित प्रधानमन्त्री स्व.वीपी कोइरालाको १०६ औं जन्मजयन्तीको अवसर पारेर कांग्रेसले हिमाल, पहाड, तराई–मधेश (हिपतम) दोस्रो चरणको जागरण अभियान भदौ २४ देखि सुरु गरेको थियो ।
