बिराटनगर, १२ पुस –
नेत्रविक्रम चन्द्र ‘विप्लव’ नेतृत्वको प्रतिबन्धित नेकपाका चार शीर्ष नेता पक्राउ परेका छन् । विप्लव समुहको मेची–कोसी इन्चार्ज उमा भूजेलसहित चारजना पक्राउ परेका छन् ।
पक्राउ पर्नेमा विप्लव समुहका मोरङ इन्चार्ज नरेश चौलागाइँ मेची–कोसी ब्यूरो कार्यालय सचिव सुमनसिंह भुजेल र क्षतिज पौडेल पनि पक्राउ परेका हुन ।
जिल्ला प्रहरी कार्यालय मोरङका प्रहरी उपरीक्षक विश्व अधिकारीका नरेश चौलागाई र क्षितिज पौडेललाई मोरङको पथरशनिश्चरेबाट पक्राउ गरेको हो । उमा भूजेल र सुमनसिंह भुजेललाई सुनसरीको चकरघट्टीबाट पक्राउ गरेको हो ।
विप्लव समुहका चार नेता मोरङ जिल्ला जनसत्ता प्रमुख दिपक आचार्य, मोरङ सचिव नवराज नेपाल, गोविन्द कार्की र जगतबहादुर पुलामीमगरले शुक्रबारमात्र आत्मसमर्पण गरेका थिए ।