पछिल्लो समय चिनबाट शुरु भएको कोरोना भाइरसको संक्रमण विश्वका ७० भन्दा बढी देशमा फैलिएको छ ।हाल नेपालमा जनमानसमा कोरोना भाइरस सङ्क्रमणको त्रास फैलिन थालेको छ ।देशैभरी सार्बजनिक सभा सम्मेलनहरु स्थगित हुन थालेका छन ।त्यसै गरी उपभोज्ञ बस्तुको अभाब हुन सक्ने त्रासमा आम मानिसले चाहिने सामाग्रीको जोहो गर्न थालेका छन ।
विश्व स्वास्थ्य संगठन (डब्लुएचओ) ले नेपाललाई पनि कोरोना भाइरसको संक्रमणको उच्च जोखिम रहेको देशको सूचिमा राखे पछी भाइरस सङ्क्रमण को जोखिमबाट बच्न साबधानी अपनाउन थालिएको छ । सरकारले पनि सबै तयारी गरिरहेको जनाएको छ ।
कोरोना भाइरसको सङ्क्रमण बाट बच्न के गर्ने के नगर्ने ? भन्ने बिशयमा यतिबेला बिभिन्न जानकारिमुलक सामाग्रीहरु सार्बजनिक सञ्चारमाध्यम र सामाजिक सञ्जालहरुमा प्रचार प्रसार भइरहेका छन ।सरकार र बिभिन्न संस्थाहरुले पनि यस बारेमा सचेत गराइरहेका छन ।
कोरोना भाइरसको सङ्क्रमणबाट बच्न के गर्ने के नगर्ने भन्ने बारेमा बिभिन्न श्रोतहरुबाट हामिले तयार गरेको एक सन्देशमुलक सामाग्री-
कोरोना भाइरसको संक्रमणबाट बच्न के के गर्ने ?
-विभिन्न काम गरेपछि साबुन–पानी प्रयोग गरी कम्तिमा २० सेकेण्ड लगाएर हात धुने
-सेनिटाइजरको प्रयोग गरी हात सफा गर्ने ।
-विशेष गरी खाना बनाउनुअघि, बाथरुम या ट्वाइलेट गएपछि तथा सिगान फालेपछि, खोकेपछि र हाछ्यूँ गरेपछि हात धुने
-सुरक्षित मास्क प्रयोग गर्ने
-सार्वजनिक स्थल जानु पूर्व सावधानी अपनाउने ,सकेसम्म कम सार्वजनिक स्थलको यात्रा गर्ने
-खोक्दा वा हाछ्यूँ गर्दा मुख छोप्ने ,खोक्दा वा हाछ्यूँ गर्दा प्रयोग गरेको टिस्यू पेपर डिस्पोज गर्ने
-भाइरस भएको वा भाइरसको संक्रमण भएको क्षेत्रमा जाँदै हुनुहुन्छ भने सुरक्षित मास्क प्रयोग गर्ने
-रुघा खोकी र ज्वरो आए तुरुन्तै स्वास्थ्य संस्थामा जानुपर्छ
-कोरोना भाइरसको संक्रमणपछि देखिने लक्षणबारे जानकारी लिनु पर्छ
कोरोना भाइरसको संक्रमणबाट बच्न के के गर्नु हुँदैन ?
-हात आँखा, नाक वा मुखमा बारम्बार लैजानु हुँदैन ।
-ज्वरो आएको भए यात्रा गर्नु हुँदैन ।
-भाइरसको संक्रमण भएको शंका लागेका साथी तथा परिवारका सदस्य र उनीहरुका घरपालुवा जनावरको सम्पर्कमा रहनु हुँदैन
-कोरोना भाइरसलाई लिएर आत्तीनु हुँदैन
-विमानमा यात्रा गर्दा बिरामी महसुस भए क्र्यू मेम्बरलाई भन्नु पर्छ ।
-कोरोना भाइरसको भएको क्षेत्रमा गएको भए वा हात बारम्बार आँखा, मुख र नाकमा पुर्याउनु हुँदैन
-जोखिमको अवस्था नआएसम्म मास्कको प्रयोग गर्नु पर्दैन ।
बिभिन्न श्रोतहरुबाट
