प्रदेश १ का मुख्यमन्त्री शेरधन राईविरुद्ध अविश्वासको प्रस्ताव दर्ता भएको छ ।
अविश्वासको प्रस्तावमा प्रस्तावक निवर्तमान अर्थमन्त्री इन्द्र आङ्बो छन् ।
३६ सांसदको हस्ताक्षरसहितको अविश्वास प्रस्ताव प्रदेशसभा सचिवालयमा दर्ता भएको हो ।
समर्थक तेह्रथुमका सांसद लक्ष्मण तिवारी छन् ।
प्रस्तावमा ३६ जनाको हस्ताक्षर रहे पनि प्रचण्ड–माधव नेपाल समूहका थप सांसदले हस्ताक्षर गर्न छुटेको एक नेताले बताए ।
दाहाल–नेपाल समूहले प्रदेश नम्बर १ को नयाँ मुख्यमन्त्रीमा भीम आचार्यलाई प्रस्ताव गरेका छन् ।
