कांग्रेस केन्द्रिय सदस्य गुरुराज घिमिरेले प्रधानमन्त्री ओलिले गरेको मन्त्रिपरिषदको पुनर्गठनलाई दुइ अतिबादी धारको मिलन भनेका छन ।उनले वर्तमान सत्ताको अन्त्येष्टिका लागि थपिएको मलामीको बगाल मात्र भएको टिप्पणी गरेका छन ।
सामाजिक सञ्जाल फेसबुकमार्फत उनले यस्तो टिप्पणी गरेका हुन ।मन्त्रिमण्डल पुनर्गठन पहाडमा बसेर तराई मधेसलाई गाली गर्ने र तराईमा बसेर पहाडलाई धारेहात लगाउने अतिवादीहरुको हाँस्यास्पद मिलन भएको उनले उल्लेख गरेका छन ।
“मन्त्रिपरिषदको पुनर्गठन वर्तमान सत्ताको अन्त्येष्टिका लागि थपिएको मलामीको बगाल मात्र हो।पहाडमा बसेर तराई मधेसलाई गाली गर्ने र तराईमा बसेर पहाडलाई धारेहात लगाउने अतिवादीहरुको हाँस्यास्पद मिलन हो।” घिमिरेले भनेका छन्,”संविधानलाई कोमामा पुर्याएर, संसद मासेर,राजनीतिक प्रणालीको वद्नाम गराएर अन्तिम सास फेरिरहेको अवैध सत्ता यस मन्त्रिपरिषद पुनर्गठनको एन्टिबायोटिकले जोगिने छैन।”
