मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

काँग्रेस महामन्त्रीमा पौडेलले उम्मेदवारी दिने



नेपाली काँग्रेसका युवा नेता प्रदीप पौडेलले १४ औं महाधिवेशनमा महामन्त्री पदमा उम्मेदवारी दिने तयारी गरेका छन् । युवा नेता पौडेलले केही दिनमै महामन्त्रीमा उम्मेदवारी घोषणा गर्ने तयारी गरेका हुन् ।

कांग्रेसले १४ औं महाधिवेशन आगामी मंसिर ९–१३ मा काठमाडौंमा हुने तय गरेको छ । १३ औं महाधिवेशनमा सर्वाधिक मत प्राप्त गरेका पौडेलले १४ औं महाधिवेशनमा महामन्त्रीमा भिड्ने योजना बनाएका छन् ।

उनी केन्द्रीय सदस्यमा खुलाबाट निर्वाचित २५ जना मध्ये १७ सय ९ मत ल्याएर ५ औं नम्बरमा निर्वाचित भएका थिए । पौडेलले कांग्रेसको तेस्रो धारका रुपमा हेरीएको कृष्णप्रसाद सिटौला समूहबाट महामन्त्रीको उम्मेदवारी दिने तयारीमा छन् ।

१३ औं महाधिवेशनमा सिटौला समूहबाट महामन्त्रीको उम्मेदवार बनेका गगन थापाले रामचन्द्र पौडेल समूह रोज्ने संकेत देखाएपछि सिटौलाले पौडेललाई महामन्त्रीमा अगाडि सार्ने तयारी थालेको बुझिएको छ ।

१४ औं महाधिवेशनमा पनि सभापतिमा उम्मेदवारी दिने रणनीतिमा रहेका सिटौलाले प्रदीपलाई महामन्त्रीको उम्मेदवार बन्न प्रस्ताव गरेका छन् । पौडेलले त्यही अनुसार तयारी गरेको पाइएको छ ।

प्रकाशित मिति : २१ भाद्र २०७८, सोमबार  १ : १४ बजे