गायक संगीतकार तथा गितकार कस्तुप पन्त प्रबल जनसेवाश्री चर्तुथ श्रेणी पदकले सुशोभन भएका छन् ।
राष्ट्रपति विद्यादेवी भण्डारीले राष्ट्रपति भवन शीतलनिवासमा आयोजित विशेष समारोहमा पन्तलाई राष्ट्रिय दिवस २०७८ का अवसरमा घोषणा गरिएको प्रबल जनसेवाश्री चर्तुथ प्रदान गरेकि हुन् ।
नेपाली सांगीतिक क्षेत्रमा गरेको योगदानको कदर गर्दै उनलाई सरकारको सिफारिसमा सो पदक प्रदान गरिएको हो ।
पदक बितरण गर्न आयोजित विशेष समारोहमा उपराष्ट्रपति नन्दबहादुर पुन, प्रधानमन्त्री शेरबहादुर देउवा, कामु प्रधानन्यायाधीश दीपककुमार कार्की, प्रतिनिधिसभाका सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सना, गृहमन्त्री बालकृष्ण खाँणलगायत मन्त्रीगण र उच्चपदस्थ अधिकारीको उपस्थिति रहेको थियो ।