काठमाडौं । वैदेशिक रोजगारीको लागि पोल्याण्ड पठाईदिन्छु भनेर ठगि गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा कञ्चनपुर कृष्णपुर न.पा वडा नं. ०२ स्थाई घर भई हाल काठमाडौंको महालक्ष्मी न.पा वडा नं. ०१ बस्ने ४२ वर्षका पुष्पराज जोशी रहेको प्रहरीले जनाएको छ ।
भगवती अधिकारीलाई वैदेशिक रोजगारीको लागि आकर्षक तलवसहित पोल्याण्ड पठाईदिन्छु भन्दै एक लाख पँचास हजार रकम लिई सम्पर्क विहीन भएको आरोप छ । उजुरीको आधारमा खोजिका लागि खटिएको प्रहरी टोलीले उनलाई काठमाडौंको बानेश्वरबाट पक्राउ गरेको हो । पक्राउ परेका जोशीलाई थप अनुसन्धान लागि वैदेशिक रोजगार विभाग ताहाचल, पठाईएको प्रहरीले जनाएको छ ।
