काठमाडौँ, ९ साउन । नेपाली कांग्रेसका नेता विजयकुमार गच्छदारले नेपाली कांग्रेस कमजोर भए लोकतन्त्र कमजोर हुने बताएका छन्।
मंगलबार काठमाडौँमा आयोजित चियापान समारोहलाई सम्बोधन गर्दै उनले यस्तो बताएका हुन्। नेपाली कांग्रेस कमजोर भए लोकतन्त्र पनि कमजोर हुने उनको भनाइ छ।
उनले भने, ‘केन्द्रीय कार्यसमितिको बैठक ६ दिनसम्म लगातार चल्यो। भोलि निर्णय सार्वजनिक हुँदैछ। नेपालको राजनीति अन्योलपूर्ण भएको छ, अनिश्चितताको भूमरीमा फसेको छ। नेपालको राजनीति तरल अवस्थामा छ, अस्थिरताको दलदलमा परेको छ। गुट, उपगुटमा नेपाली कांग्रेस नराम्रोसँग फसेको छ ।’नेपालको राजनीति अनिश्चितताको भुमरिमा फसेको बताएका छन्।उनले देशको राजनीतिक अवस्था खराब रहेको पनि बताए।
