तोलामा १९ सय रुपैयाँले बढ्यो सूनको मूल्य



काठमाडौं । स्थानिय बजारमा सुनको मूल्य एकैदिन तोलामा १९ सय रुपैयाँले बढेको छ ।

लगातार तीन दिनदेखि स्थिर रहेको सुनको मूल्य वृद्धि भएर तोलाको एक लाख ६४ हजार ७०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

चाँदीको मूल्य पनि तोलामा ३५ रुपैयाँ बढेको छ । चाँदी प्रतितोला एक हजार ९३० रुपैयाँमा किनबेच भइरहेको महासंघले जनाएको छ ।

प्रकाशित मिति : २२ माघ २०८१, मंगलबार  ११ : ३३ बजे