काठमाडौँ । नेकपा एकीकृत समाजवादी (नेकपा एस)की नेतृ रामकुमारी झाँक्रीले केही शक्तिशाली व्यक्तिले आफूलाई स्पष्टीकरण नसोधेर मिडियातिर सोधेको भन्दै आपत्ति जनाएकी छन्।
पार्टी केन्द्रीय कार्यालय आलोनगरमा सञ्चारकर्मीहरूसँग कुरा गर्दै नेता झाँक्रीले पार्टीका अध्यक्षविरुद्ध बोलेको भन्दै स्पष्टीकरण सोधिएको हल्ला निराधार रहेको जिकिर गरिन् ।
उनले भनिन् नेकपा एसको जारी सचिवालय बैठकमा पुगेकी झाँक्रीले आफूले स्पष्टीकरण पत्र नपाएको बताइन्। ‘स्पष्टीकरण त केही शक्तिशाली पदाधिकारीहरूले मिडियातिर सोध्नु भएको रहेछ। मलाई त स्पष्टीकरण सोधिएको छैन,’।
पतञ्जली जग्गा प्रकरणमा मुछिएका पार्टी अध्यक्ष माधव कुमार नेपाल लक्षित टिप्पणी गर्दै झाँक्रीले एक पार्टी कार्यक्रममा सिनो बोकेर हिड्न सकिन्न भनेपछि उनलाई पार्टीले स्पष्टीकरण सोधेको थियो।
उक्त स्पष्टीकरणको विषय मिडियाबाट मात्र आफूले थाहा पाएको उनले बताइन्।
