निर्वाचन आयोगलाई नेकपा एमालेले माधवकुमार नेपाल समूहले दर्ता गर्ने भनिएको एमाले समाजवादी पार्टी दर्ता नर्गन आग्रह गरेको छ । एमालेले आफ्नो नामसँग मिल्ने गरी अर्को दल दर्ता नगर्न आग्रह गरेको हो ।
शुक्रबार आयोग पुगेका एमाले नेताहरुले राजनीतिक दलसम्बन्धी ऐनको दफा ६ (१) (ङ) र ९ अनुसार राजनीतिक दलको नाम, झण्डा र चुनाव चिन्ह संरक्षण गर्ने जिम्मेवारी आयोगको भएको बताएका छन् । उनीहरुले नेकपा एमाले समाजवादी दर्ताका लागि निवेदन आएको सुनेको भन्दै नेकपा एमालेसँग मिल्ने अर्को दल दर्ता नगर्न आग्रह गरेका छन् ।
साथै १४ सांसदलाई पार्टीबाट निष्कासन गरेकाले उनीहरुको केन्द्रीय सदस्य पद पनि जानुपर्ने एमालेको माग रहेको बाबुराम दाहालले जानकारी दिए ।
