नेकपा माओवादी केन्द्रका अध्यक्ष पुष्पकमल दाहाल प्रचण्ड बालुवाटार पुगेका छन् । अध्यक्ष प्रचण्ड प्रधानमन्त्री शेरबहादुर देउवालाई भेट्न बालुवाटार पुगेका हुन् ।
भेटमा उनीहरुबीच सरकार विस्तार र समसामयिक राजनीतिक विषयमा छलफल भएको बताइएको छ । आफ्ना तर्फबाट कसलाई मन्त्री बनाउने भन्ने विषयमा निर्णय गर्न आजै माओवादी केन्द्रको स्थायी कमिटी बैठक बस्दै छ।
त्यसअघि अध्यक्ष प्रचण्डले प्रधानमन्त्री देउवालाई भेटेका हुन् । लामो समयसम्म मन्त्रिपरिषदलाई पूर्णता दिन नसकेको भन्दै प्रधानमन्त्रीको सर्वत्र आलोचना भइरहेको छ ।
