काठमाडौँ । तीन पूर्वप्रधानमन्त्रीहरूको सम्पत्तिको स्रोत र वैधताबारे औपचारिक अनुसन्धान सुरु भएको छ। सम्पत्ति शुद्धीकरण अनुसन्धान विभागको पत्रअनुसार केन्द्रीय अनुसन्धान ब्युरो (सीआईबी)ले अनुसन्धान प्रक्रिया अघि बढाएको हो। पूर्वप्रधानमन्त्रीहरू केपी शर्मा ओली, पुष्पकमल दाहाल र शेरबहादुर देउवाको चल तथा अचल सम्पत्ति, आम्दानीको स्रोत र त्यसको वैधताबारे विस्तृत अध्ययन गरिने प्रहरीले जनाएको छ।
