ईलामको माङसेबुङ गाउँपालिकाकाले गाउँपालिकाको विपद व्यवस्थापन कोषमा पुनः पचास लाख रकम व्यवस्था गर्ने निर्णय गरेको छ ।
कोरोना भाइरस (कोभिड १९) रोकथाम तथा नियन्त्रणका लागि सरकरले घोषणा गरेको लकडाउनको कारण समस्यामा परेकाहरुका लागि राहत वितरणका लागि सो रकम ब्यबस्था गर्न लागेको हो ।
आइतबार बसेको गाउँपालिकाकोे बैठकले विपद व्यवस्थापन कोषमा पुनः पचास लाख रकम व्यवस्था गर्ने निर्णय गरेको हो ।
गाउँपालिकाले यस अघि पहिलो चरणको राहत भने वितरण गरिसकेको छ ।
पहिलो चरणमा गाउँपालिकाले १ हजार १ सय ८६ घरधुरीलाई राहत वितरण गरेको हो ।
