कोरोना संक्रमणको दोस्रो चरण सुरु भएसंगै भारतले कोरोना विरुद्धको खोप निर्यातमा अनिश्चितकालीन रोक लगाएको छ । कोरोना संक्रमितको संख्या बढ्दै गएपछि भारतमै खोप आवश्यक हुन सक्ने भन्दै अस्थायीरुपमा खोप निर्यात रोकेको हो ।
भारतले अहिलेसम्म ७६ देशमा खोप निर्यात गर्दै आएको थियो । बीबीसीका अनुसार अक्सफर्ड–आस्ट्राजेनेका खोपको सबै निर्यातहरूमाथि रोक लगाइएको छ ।
भारतले अहिलेसम्म ६ करोडभन्दा बढी खोप निर्यात गरिसकेको छ । भारतको यो निर्णयले कोभ्याक्स योजनाअन्तर्गत रहेका करिब १९० राष्ट्रलाई असर गर्नसक्ने अनुमान गरिएको छ ।
