काठमाडौं, २९ भदौ । सुनिलकुमार थापाको निर्माण तथा निर्देशनमा बनेको नेपाली चलचित्र ‘एक भागवत् र एक गीता’ आजदेखि प्रदर्शनमा आएको छ ।
आउँदो हरितालिका तीजलाई लक्षित गर्दै चलचित्र ‘एक भागवत् र एक गीता’ प्रदर्शनमा ल्याईएको हो ।चलचित्रमा अभिनेता विपीन कार्कीले सामाजिक प्रेमकथामा ‘कमलामाई’को भूमिकामार्फत यौनिक लैङ्गिक अल्पसङ्ख्यक समुदायको जीवनलाई प्रस्तुत गरेका छन् ।अभिनेता कार्कीसँगै धीरज मगर, सुहाना थापा, कविर खड्का, जेविश श्रेष्ठ र जेविन श्रेष्ठ, सञ्जोग रसाइली, मुकेश झालगायत कलाकारले अभिनय गरेका छन् । चलचित्रमा सरिन पोखरेल, परिच्छेद सेन, पुरुषोत्तम ढुङ्गेलले पटकथा, राजेश श्रेष्ठले छायाँङ्कन, मित्र डी गुरुङले सम्पादन तथा हिमाल केसीले द्वन्द्व निर्देशन गरेका छन् ।
