मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

गाजामा २ महिना युद्ध रोक्न इजरायलले गर्यो प्रस्ताव



काठमाडौं । इजरायल र हमासबीच जारी युद्ध रोक्नको लागि इजरायलले पहल गरेको थालेको जनाइएको छ । इजरायलले हमासलाई एक प्रस्ताव पठाउँदै दुई महिना युद्ध रोक्न भनिएको छ ।

मध्यस्थको भूमिका खेल्ने इजिप्ट र कतारमार्फत यो प्रस्ताव पठाइएको इजरायलको रक्षा विभागसँग सम्बद्ध अधिकारीले जानकारी दिएका छन् ।यो प्रस्तावमा गाजामा रहेका सबै बन्धकहरूलाई रिहा गर्न माग गरिएको छ । गाजामा बन्धक बनाएका धेरै इजरायलीहरूको परिवारले सरकारलाई दबाब दिइरहेका छन् ।

सोमबार संसदीय समितिको बैठकका क्रममा बन्धकका आफन्त संसदमा प्रवेश गरेका थिए । उनीहरुले प्यालेस्टाइनमा बन्धक मारिएको अवस्थामा यहाँ बैठक बस्न नमिल्ने बताएका थिए ।यस्तै आइतबार राति मानिसहरूले आफ्ना परिवारका सदस्यहरूलाई रिहा गर्न माग गर्दै इजरायली सरकारविरुद्ध प्रदर्शन गरेका थिए।

७ अक्टोबरदेखि जारी युद्धमा अहिलेसम्म २६ हजारभन्दा बढीको ज्यान गइसकेको छ । जसमा महिला र बालबालिका बढी रहेका छन् ।

प्रकाशित मिति : ९ माघ २०८०, मंगलबार  १० : ४२ बजे