मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

राष्ट्रका नाममा रुसी राष्ट्रपति पुटिनको सम्बोधन: युक्रेन युद्धमा आणविक हतियार प्रयोग गर्ने चेतावनी



काठमाडौं । रुसका राष्ट्रपति भ्लादिमिर पुटिनले युक्रेन युद्धमा परमाणु (आणविक) हतियार प्रयोग गर्ने चेतावनी दिएका छन् । रुस युक्रेन युद्ध भएको दुई वर्ष पूरा भएको सन्दर्भमा बिहीबार राष्ट्रका नाममा सम्बोधन गर्दै राष्ट्रपति पुटिनले युक्रेनलाई पश्मिा देशहरुले सघाएको भन्दा कडा आलोचना गरे । साथै उनले पश्चिमा देशहरुले युक्रेनलाई साथ दिइरहेमा रुस पनि आणविक हतियार प्रयोग गर्न बाध्य हुने पनि चेतावनी दिए ।

उनले आणविक हतियार प्रयोग गर्दा हुने नोक्सानीको जिम्मेवारी रुस नहुने पनि कडा शब्दमा चेतावनी दिए । रुस आणविक हतियारले सुसज्जित रहेको भन्दै आफूसँग नखेल्न चेतावनी पनि दिए । उनले भने, ‘पश्चिमा देशहरुले रुसले युरोपमा आक्रमण गर्छ भनेर गलत हल्ला गरिरहेका छन् ।’ रुसले युरोपमा आक्रमण गर्ने कुनै योजना नबनाएको बताउँदै युक्रेन युद्ध जित्ने योजनामा केन्द्रीत भएको बताए ।

पुटिनले राष्ट्रपतिय निर्वाचनको सन्दर्भमा पनि जनतासँग अपिल गरेका थिए । रुसमा मार्च १५–१७ सम्म चुनाव हुँदै छ । उनी नै पुनः ६ वर्षका लागि निर्वाचित हुने पक्का छ । पुटिनले रुस संसारको सबैभन्दा ठूलो आणविक हतियार भएको देश आफ्नो रहेको बताउँदै रणनीतिक स्थायित्वका लागि अमेरिकासँग वार्ता गर्न तयार रहेको पनि रुसी समाचार एजेन्सी टासले जनाएको छ ।

प्रकाशित मिति : १८ फाल्गुन २०८०, शुक्रबार  ९ : ३२ बजे