मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

अत्याधिक कर बृद्दिले नेपालामा बिक्री हुनै छाडे यी महँगा बाइक



१२ असोज, काठमाडौं–

अमेरिकन सुपर प्रिमियम बाइक हार्ली डेभिड्सन भर्खरै नेपाली बजारमा भित्रिएको छ । हार्ली व्यावसायिक घराना आइएमई समूहले नेपाल ल्याएको हो । नाडा अटो सोमा हार्लीको ‘आइरन’ र ‘सुपर लो’ मोडल सार्वजनिक गरियो । नयाँ पत्रिका दैनिकले समाचार छापेको छ ।

नेपालको दुईपांग्रे बजारमा अग्रणी होन्डाले पनि दुईवटा सुपर प्रिमियम मोडल भित्र्याएको छ, एनएम–४ र सिबी १००० आर । अटो सोमा दुवै मोडल आकर्षण बनेका थिए । यसअघि पनि होन्डाले महँगो मूल्य पर्ने बाइक भित्र्याएको थियो । बाइक केही थान बिक्री पनि भएका थिए ।

नेपालमा बेनेलीका दुईवटा प्रिमियम बाइक भित्रिएका छन् । बेनेली टिआरके–५०२ र बेनेली लिओनसिनो–५०० । यस्तै, सुजुकी, कावासाकी र यामाहाका पनि प्रिमियम बाइक उपलब्ध छन् ।

नेपाल भित्रिएको इटालियन सुपर प्रिमियम बाइक ‘एमभी अगस्टा’ लामो समय टिक्न सकेन । नेपाली सडकमा डेढ सय डुकाटी बाइक कुद्छन् । इटालियन बाइक डुकाटी नेपालको प्रिमियम सेगमेन्टमा अग्रणी छ । नेपालमा १६ लाखदेखि ५२ लाखसम्मको डुकाटी दौडिन्छन् । डुकाटीका झन्डै दुई दर्जन भेरियन्ट नेपाल भित्रिए । अप्रिलियाले पनि प्रिमियम सेगमेन्टमा २५ लाख पर्ने डोर्सोड्युरो ल्याएको थियो ।

नेपाल प्रिमियम बाइकको बजार हो रु प्रिमियम ब्रान्डहरू नेपाल भित्रिएको देख्दा हो झैँ लाग्छ । तर, वास्तविकता फरक छ । व्यापारीलाई नेपालमा प्रिमियम बाइकका ग्राहक भेट्न निकै मुस्किल पर्ने गर्दछ । नेपालमा गाडीको कर विश्वकै सबैभन्दा चर्को छ । अझ, यसपटक सरकारले हेभी बाइकमा कसेरै कर बढाएपछि बजार झन् खुम्चिएको डुकाटी बिक्रेता उदीप श्रेष्ठ बताउँछन् ।

‘हामी वर्षमा ३०र३५ थानसम्म डुकाटी बिक्री गथ्र्यौं’ उदीप भन्छन्, ‘कर चर्को बढेपछि अर्डर पनि आएको छैन ।’ डुकाटीको मूल्य न्यूनतम ५० प्रतिशत बढेको छ । यसअघि १९–२० लाखमा पाइने बाइकको मूल्य ३२–३४ लाख पुगिसकेको उनी बताउँछन् ।

पहिला रजिस्ट्रेसन शुल्क २० हजार थियो । बजेटले दुई लाख पु(याएको छ । र, अन्तःशुल्क पनि बढेको छ । त्यसमाथि डलरको भाउ इतिहासकै उच्च बिन्दुमा पुगेपछि विलासी बाइकको मूल्य अकासिएको उदीपको भनाइ छ । ‘बजेटपछि नयाँ बाइक ल्याएका छैनौँ, पुरानो स्टक बेचिरहेका छौँ,’ उनी भन्छन्, ‘नयाँ बाइक ल्याएर बिक्री गर्न पनि सक्नुप(यो नि १’

सरकारले हरेक वर्ष हेभी बाइकलाई चर्को करले कस्दै छ । तथापि, व्यवसायीहरू महँगा बाइक भित्र्याउन तल्लीन देखिन्छन् । नयाँ–नयाँ प्रिमियम ब्रान्ड भित्रिरहेका छन् । भदौ अन्तिममा आयोजित नाडा अटो सोमा अधिकांश नयाँ मोडलका प्रिमियम बाइक प्रदर्शनीमा राखिएको थियो ।

नेपालमा आधा दर्जन ब्रान्डका प्रिमियम बाइक उपलब्ध छन् । डुकाटीले सबैभन्दा बढी भेरियन्ट उपलब्ध गराउँछ । नेपालमा मध्यम र उच्च वर्गको उदयसँगै सवारी साधनको पनि बिक्री बढिरहेको थियो । उच्च वर्गको रोजाइमा विलासी कार र बाइक पर्थे । तर, मूल्य ह्वात्तै बढेपछि विलासी गाडी÷बाइक धनाढ्यको पनि पहुँच बाहिर पुगेको व्यवसायी बताउँछन् ।

आइएमई समूहले विश्वकै चिरपरिचित ब्रान्ड हार्ली डेभिड्सन भित्र्याएको छ । गैरीधारामा सोरुम तयार हुँदै छ । अहिले दुईवटा मोडल ‘आइरन–८८३’ र ‘सुपर लो’ मोडल भित्रिएका छन् । अक्टोबर मध्यसम्म सोरुम तयार भइसक्दा आधा दर्जन मोडल ल्याइसक्ने कम्पनीले जनाएको छ । नेपाली बजारमा ‘आइरन–८८३’ को मूल्य ४५ लाख ८५ हजार तोकिएको छ । ‘सुपर लो’ मोडल पनि ४५ लाख पर्ने बाइक हो ।

नेपालमा सन् २०१० को अन्त्यतिर डुकाटी भित्रिएको हो । अहिलेसम्म डेढ सय डुकाटी बिक्री भइसकेका छन् । ‘पहिलो लटमा ८ वटा बाइक भित्रिएका थिए,’ उदीप भन्छन्, ‘त्यसवेला १४ देखि १६ लाख मूल्यका मनस्टार, डाइपरमोटार्ड मोडल ल्याएका थियौँ ।’ पहिलो वर्ष नै १८ वटा डुकाटी बाइक बिक्री भएका थिए ।

नेपालमा ५२ लाख मूल्यको डुकाटी एक्सडेयाभल एस ब्ल्याक पनि दौडिन्छ । बजेटअघि डुकाटीको मूल्य १८ लाखबाट सुरु हुन्थ्यो । तर, बजेटपछि न्यूनतम मूल्य नै ३२र३४ लाख पुगिसकेको उदीप बताउँछन् । नेपालमा डुकाटीका पानीगाले, डियाभेल, मल्टिस्ट्राडा, मनस्टार, हाइपर मोटार्ड र सुपरस्मार्ट गरी आठवटा मोडल उपलब्ध छन् । केही समयअघि पानीगाले भी फोर भित्रिएको थियो ।

यो बाइकको मूल्य ४८ लाख तोकिएको छ । स्याकार ट्रेडिङले भित्र्याएको होन्डाका दुईवटै मोडल ९एनएम–४ र सिबी १००० आर० को मूल्य ४५ लाखभन्दा बढी पर्ने अनुमान छ । तर, कम्पनीले मूल्य सार्वजनिक गरेको छैन ।

बजेटअघि ३२र३५ लाख पर्ने बाइकको मूल्य बजेटपछि ४५ लाख नाघेको हो । अत्याधिक चर्को मूल्य तिरेर हेभी बाइक किन्ने ग्राहक भेटिने अवस्था नरहेको कम्पनी बताउँछ । होन्डा एनएम–४, ७५० सिसीको हेभी बाइक हो । यो बाइक कारझैँ ठूलो छ । सिबी १००० आरमा ठूलो इन्जिन राखिएको छ । ठूलो इन्जिनले बाइक आकर्षक देखिन्छ । अटो मेलामा दुवै मोडलले बाइक पारखी लोभ्याएका थिए । तर, मूल्य सुनेपछि उनीहरू तर्सिन्थे ।

हार्ली डेभिड्सन अमेरिकन लेजेन्ड बाइक हो । मेलामा हार्ली चढेर फोटो खिच्नेको तँछाडमछाड देखिन्थ्यो । बलिउडका फिल्ममा कुदेका बाइक आँखैअगाडि देख्दा बाइक पारखी नतानिने कुरै भएन । हार्लीको सबैभन्दा चल्तीको मोडल ‘आइरन’ हो । जुन, सन् १९५७ देखि निरन्तर परिस्कृत भर्सनमा उत्पादन भइरहेको छ ।

नेपालमा हार्लीको स्ट्रिट रड ७५०, स्ट्रिट एक्सजी ५०० पनि चाँडै भित्रिने बताइएको छ । जसको मूल्य क्रमशः २९ लाख ५० हजार र २८ लाख तोकिएको छ । हेरिटेज क्लासिक र रोड किङ महँगो मोडल हुन्, जसको मूल्य ७७ लाखसम्म पर्छ । हार्र्लीले एक सय १५ वर्षको अमेरिकन विरासत बोकेको छ । हार्र्ली सन् १९०३ देखि उत्पादन सुरु भएको थियो ।

बेनेलीले पनि नेपालमा प्रिमियम सेगमेन्टका बाइक बिक्री गर्दै आइरहेको छ । बेनेलीले यसअघि ‘६०० आई’ र ‘बेनेली ६०० जिटी’ मोडल भित्र्याएको थियो । जसको मूल्य बजेटअघि १८ लाखको हाराहारीमा पथ्र्यो । अटो मेलामा बेनेलीले टिआरके–५०२ र लिओनसिनो–५००भित्र्याए । जसको मूल्य क्रमशः १७ लाख र १३ लाख तोकिएको छ ।

नेपालमा सुजुकीले पनि महँगो बाइक बिक्री गर्छ । भारतमा उत्पादित सस्तो बाइक विशाल ग्रुपले बिक्री गर्छ । जापानमा उत्पादित महँगो मूल्यका बाइक गणेश इन्टरप्राइजेजले बिक्री गर्दै आएको छ । सुजुकीको बाइकिङ, हायभुसा र प्रिमियम स्कुटर नेपाल भित्रिएका छन् । बाइकिङ सबैभन्दा महँगो मोडल हो । बजेटअघि बाइकिङको मूल्य ३० लाख हाराहारी र हायभुसाको मूल्य २५ लाख हाराहारी थियो ।

हलिउड फिल्म र स्पोर्ट च्यानलमा कुदेका देखिने धेरै बाइक नेपाल भित्रिएका छन् । आधा दर्जनभन्दा बढी ब्रान्डका डट बाइक नेपालमा किन्न पाइन्छ । नेपालका सौखिन उच्च वर्गलाई विलासी ब्रान्डले तानिरहेको छ । नेपालमा हेभी बाइक भित्रिए पनि धेरैको पहुँच पुग्दैन । नेपालीको स्पोर्टी र हेभी बाइक चढ्ने रहर बुलेट ९रोयल इन्फिल्ड०, केटिएम, यामाहा आर–१५, होन्डा सिबीआर २५० आरआरलगायतले पूरा गरिदिएका छन् ।

 

प्रकाशित मिति : १२ आश्विन २०७५, शुक्रबार  ३ : ३४ बजे