काठमाडौं माघ, २२–
राजधानीबाट चिकित्सकको २ वर्षीया छोरी अपहरणमा संलग्न मनीष गुप्ता पक्राउ परेका छन् । महानगरीय प्रहरी परिसर काठमाडौंको टोलीले थापाथलीस्थित प्रसूतिगृहकी चिकित्सक बबिता साहकी २ वर्षीया छोरी सन्विज्ञाको अपहरणमा संलग्न गुप्तालाई पक्राउ गरेको हो ।
गुप्तालाई सोमबार महोत्तरीको भिटामोडबाट पक्राउ गरिएको महानगरीय प्रहरी परीसर काठमाडौंले जनाएको छ ।
पक्राउ परेका साहबारे दिउँसो २ बजे पत्रकार सम्मेलन गरी सार्वजनिक गर्ने प्रहरीको तयारी छ ।
साहले बालिकालाई गत माघ ११ गते बिहान कोटेश्वरको खरिबोट महादेवस्थानबाट अपहरण गरेका थिए ।
प्रहरीले अपहरणमा संलग्न भनिएका आरती गुप्ता र बबलु श्रेष्ठलाई यसअघि नै जनकपुरबाट पक्राउ गरेको थियो ।
करीब आठ घण्टापछि प्रहरीले शाहकी अपहृत दुई वर्षीया छोरीको सकुशल उद्धार गरिएको थियो ।
