सर्लाही-
सर्लाहीका नेपाली कांग्रेस कार्यकार्ता तथा लोकतान्त्रिक विद्यार्थी फोरम, सर्लाहीको विद्यार्थी संगठनका अध्यक्ष समेत रहेका मनोज यादवलाई गए राति ९ बजे अज्ञात समूहले फोन गरी बोलाएर मलंगवा नगरपालिका वडा नं. ८ शीतभण्डार नजिक सडक छेउमा गोली प्रहार गरेर विभत्स तवरले हत्या गरेको छ । उनको अहिले सर्लाही अस्पताल मलंगवामा पोष्टमार्टम गरिदैछ ।
यसैबिच यादवको हत्या गरेको घटनाप्रति नेपाली कांग्रेसले बिज्ञप्ती मार्फत सरकारको ध्यानकर्षण गराएको छ ।
नेपाली कांग्रेस उक्त घटनाको घोर निन्दा र भत्र्सना गर्दै घटनामा संलग्न आपराधिक व्यक्तिहरुको तत्काल खोजी गरी उनीहरुलाई कडा भन्दा कडा कार्वाही गर्न र ब्यक्तिको बाच्न पाउने अधिकार सुनिश्चित गर्न समेत सरकारसग माग गरेको छ ।
पार्टिको तर्फबाट मुख्य सचिव कृष्णप्रसाद पौडेलद्वारा जारि विज्ञप्तिमा भनिएको छ, ‘स्वर्गीय यादवप्रति नेपाली कांग्रेस गहिरो दुःख व्यक्त गर्दछ । साथै, उहाँको आत्माको चीर शान्तिको कामना गर्दै उहाँका शोक सन्तप्त परिवारजनप्रति समवेदना प्रकट गर्दछ ।’
