काठमाडौं फागुन, २२–
गत बुधबार हेलिकप्टर दुर्घटनामा ज्यान गुमाएका पर्यटनमन्त्री रवीन्द्र अधिकारीका अंगरक्षक नेपाली सेनाका जमदार अर्जुन घिमिरेले बोकेको नाइन एमएमको पेस्तोल फेला परेको छ। ताप्लेजुङको फुङलिङ नगरपालिका–१० स्थित सिस्नेभीरको दाह्रेढुंगामा भएको डाइनेष्टिक एयरको हेलिकप्टर दुर्घटना हुँदा हेलिकप्टरमा सवार घिमिरेले बोकेको पेस्तोल भेटिएको थिएन ।
अस्थायी प्रहरी चौकी माथिल्लो फेदी र नेपाली सेनाको टोलीले मंगलबार घटनास्थलमा गई खोजी गर्ने क्रममा उक्त १ थान पेस्तोल, २ थान म्याग्जिन, ३ थान साबुत गोली, ३ वटा खोका र मोबाइल जलेको अवस्थामा फेला परेको हो।
उक्त दुर्घटनामा जमदार घिमिरेसहित ७ जनाको ज्यान गएको थियो।
