काठमाडौं –
चीनसँग जोडिएको सुवागढी नाकाबाट एक किलो सुनसहित दुईजना महिला पक्राउ परेका छन् ।
पक्राउ पर्नेमा गोसाइकुण्ड नगरपालिका–१ का ३९ र ३४ वर्षीया महिला छन् । उनीहरुको नाम प्रहरीले खुलाएको छैन ।
जिल्ला प्रहरी कार्यालय रसुवाका अनुसार विशेष सुराकीका आधारमा खटिएको प्रहरी टोलीले उनीहरुलाई पक्राउ गरेको हो । उनीहरु दुवैले कम्मरमा बाँधेर सुुनका टुक्रा ल्याइरहेका थिए
शनिबार उनीहरु चीनको केरुङ गएका थिए ।
प्रहरीले केरुङबाट फर्कदै गर्दा उनीहरुलाई सोमबार बिहान सुनसहित पक्राउ गरेको हो ।
एक किलोको सुनको विस्कुटलाई टुक्रा–टुक्रा पारेर कम्मरको पटुकामा लुकाएर ल्याइरहको अवस्थामा उनीहरु पक्राउ परेका हुन् ।
